سینٹر جاوید جبار کی دو کتب کی تقریب رونمائی 

 رومیل الیاس:نجی  ہوٹل میں معروف ادبی و سیاسی شخصیت سینیٹرجاوید جبار کی دو انگریزی کتابوں کی تقریب رونمائی ہوئی۔سیاسی،ادبی اور صحافتی شخصیات سمیت دیگر شعبہ جات سے تعلق رکھنے والے افراد شریک ہوئے۔ 
سینیٹر جاوید جبار کی انگریزی کتاب شیڈ اینڈ لائٹ اور سٹریمز کی تقریب رونمائی میں پروفیسر سکندر حیات،نوید شہزاد،احمد بلال محبوب اور حفیظ اللہ نیازی نے شرکت کی۔تعلیم ادب اور سماجی شعبوں سے تعلق رکھنے والے مرد و خواتین بھی تقریب میں شریک تھے۔شرکاء نے جاوید جبار کو دونوں کتابوں کی رونمائی پر مبارکباد دی اور کتابوں کی کامیابی کے حوالے سے نیک خواہشات کا اظہار کیا۔جاوید جبار نے شرکاء سے اظہارِ تشکر کیا۔جاوید جبار کی کتاب شیڈ اینڈ لائٹ قائد اعظم محمد علی جناح ،ملکی تاریخ اور برصغیر پاک و ہند کی تاریخ پر مبنی ہے جبکہ سٹریمز میڈیا اور ساؤتھ ایشیاء کے حالات پر لکھی گئی ہے۔