سٹی42:  ڈنمارک کے دارالحکومت کوپن ہیگن میں اسرائیلی سفارتخانے کے قریب دو دھماکے ہوئے تاہم ان دھماکوں سے کوئی نقصان نہیں ہوا۔ 

غیر ملکی خبررساں ایجنسی کے مطابق اسرائیلی سفارتخانے کے قریب دھماکے مقامی وقت کے مطابق بدھ کو  صبح  3 سے 4 بجے کے قریب ہوئے۔

 اسرائیلی سفارتخانے کے  بیان میں کہا گیا ہے کہ دھماکے میں کوئی زخمی نہیں ہوا اور نہ ہی عمارت کو کسی صورت  کا کوئی نقصان پہنچا ہے۔

کوپن ہیگن پولیس نے بھی ایکس پراپنی ایک پوسٹ میں  کہا ہے کہ  دھماکوں میں کوئی بھی زخمی نہیں ہوا اور ہم جائے وقوعہ پر ابتدائی تحقیقات کر رہے ہیں۔

بعد ازاں  پولیس نے اسرائیلی سفارت خانے کے قریب دھماکوں کے بعد 3 افراد کو حراست میں لے لیا۔