زاہد چوہدری :لاہور جنرل ہسپتال میں شعبہ ناک،کان اور گلا کے ڈاکٹرزکے لئے تربیتی کورس کا انعقاد کیا گیا ۔ ملک بھر سے نوجوان ڈاکٹرز شریک،سینئر پروفیسرز نے کورس کے شرکاء کو امتحانی امور کے حوالے سے آگاہ کیا۔
پرنسپل پی جی ایم ائی پروفیسر ڈاکٹر الفرید ظفر نے تربیتی کورس میں بطور مہمان خصوصی شرکت کی اور خطاب کیا۔تربیتی کورس کے کوآرڈینیٹر ڈاکٹر محمد الیاس نے شرکا کو تفصیلی بریفنگ دی۔پروفیسر ڈاکٹر منظور احمد،پروفیسر محمد امجد، پروفیسر طاہر رشید اور پروفیسر نجم الحسنین خان نے لیکچرز دیے۔پروفیسر انوار الحق،پروفیسر ارشاد ملک، پروفیسر ایوب احمد خان اور پروفیسر تیمور لطیف ملک نے بھی اظہار خیال کیا۔ ایم ایس جنرل ہسپتال ڈاکٹر فریاد حسین،ڈاکٹر عامر ایوب اعوان، ڈاکٹر عبدالعزیز بھی تقریب میں موجود تھے