راؤ دلشاد: آئینی ترمیم کے معاملے کی وجہ سے مسلم لیگ ن کے صدر میاں نواز شریف نے لندن جانے کا پروگرام مؤخر کر دیا۔

 ذرائع کے مطابق نواز شریف کا اسی ہفتے لندن جانے کا پروگرام بتایا گیا تھا، جو کہ آئینی ترمیم کی پارلیمان میں منظوری کے ممکنہ عمل کے باعث دورہ مؤخرکیاگیا۔

 ذرائع کا کہنا ہے کہ  26ویں آئینی ترمیم کے بل کی آئندہ ہفتے پارلیمنٹ میں پیشی متوقع  ہے ،قومی اسمبلی سے آئینی ترمیمی بل منظور ہونےپر نوازشریف لندن روانہ ہوجائیں گے۔

 ذرائع کے مطابق نوازشریف کی لندن روانگی کاشیڈول آئینی ترمیمی بل سے مشروط تھا اور لندن روانگی کیلئے3سے5اکتوبر کولاہور سےلندن روانگی کا پلان بنایاگیا  جبکہ نواز شریف کی غیرملکی ائیر لائن پرٹکٹ بھی بک کروا لی گئی تھی ۔

 ذرائع کا مزید کہنا ہے کہ  سربراہ مسلم لیگ ن نے معمول کا طبی معائنہ کروانے کےلیے لندن جانا ہے، لندن میں طبی معائنہ ہونےاور کچھ دن قیام کےبعدنواز شریف کاامریکہ روانگی کاپلان بھی بنایاگیا۔

 ذرائع کا کہنا ہے کہ آئینی ترمیم اسی ہفتے یا دوسرے ہفتے کے شروع میں لائے جانے کا امکان ہے، آئینی ترمیم لانے سے پہلے سپریم کورٹ کے فیصلے کا انتظار ہے۔