ویب ڈیسک:چیئرمین تحریک انصاف عمران خان کی ایڈیشنل سیشن جج زیبا چوہدری کو دھمکی دینے کے کیس میں عبوری ضمانت منظور کرلی گئی۔
اسلام آباد ہائیکورٹ نے خاتون جج دھمکی کیس میں چیئرمین پاکستان تحریک انصاف عمران خان کی عبوری ضمانت منظور کر لی ہے۔اسلام آباد ہائیکورٹ کے جسٹس محسن اختر کیانی نے عبوری ضمانت منظور کی، عدالت نےعمران خان کو 10 ہزار روپے کے مچلکے جمع کروانے کا کہا، ٹرائل کورٹ میں بھی پیش ہونے کا حکم دیا۔
قبل ازیں جج دھمکی کیس میں عمران خان کے وارنٹ گرفتاری جاری کئے جانے کے معاملے پراسلام آباد ہائی کورٹ چھٹی کے روز کھل بھی گئی، چیئرمین پاکستان تحریک انصاف کی جانب سے ضمانت قبل از گرفتاری کی درخواست دائر کی گئی۔
درخواست دائر کرنے کے لئے عمران خان کے وکیل ڈاکٹر بابر اعوان ہائیکورٹ پہنچے،سابق وزیراعظم اور چیئرمین پی ٹی آئی کی جانب سے بائیو میٹرک سے استثنی کی درخواست بھی دائر کی گئی تھی
تاہم اب اطلاعات ہیں کہ اسلام آباد ہائیکورٹ آج چھٹی کے روزبھی کھل گئی ہے اور ہائیکورٹ ڈائری برانچ کا عملہ عدالت پہنچ گیا ہے۔ڈائری برانچ کے اسسٹنٹ رجسٹرار اسد خان ہائیکورٹ پہنچ گئے ہیں اور ذرائع کا بتانا ہے کہ عمران خان نے قبل از گرفتاری ضمانت کی درخواس دائر کردی ہے۔