(ویب ڈیسک)پاکستان کےلیجینڈ  اور معروف کامیڈین عمر شریف کئی لوگوں کو چھوڑ کر ہمیشہ ہمیشہ کے لئے چلے گئے،عمر شریف  کے انتقال پر نہ صرف پاکستان بلکہ بھارت میں ان کے مداح افسراہ ہیں، بھارتی فنکار بھی اظہار تعزیت کررہے ہیں، مشہور بھارتی کامیڈین کپل شرما اور جونی لیور نے بھی کامیڈی کنگ عمر شریف کے انتقال پر افسوس کا اظہار کیا ہے۔

تفصیلات کےمطابق پاکستان کے عالمی شہرت یافتہ اداکار عمرشریف اب اس دنیا میں نہیں رہے،ان کے انتقال پر پاکستان سمیت بیرون ممالک میں بھی ان کے چاہنے والے افسردہ ہیں، بھارتی فنکاروں کی جانب سے سماجی رابطے کی ویب سائٹ ٹویٹر پر تعزیت کرنے کا سلسلہ جاری ہے،بھارت کے مشہور کامیڈین  کپل شرما نےعمر شریف کے انتقال پر ٹوئٹ  کرتے ہوئے کہا لکھا‘الوداع لیجینڈ، خدا آپ کی روح کو سکون دے'۔

Alvida legend ????may your soul Rest In Peace ???????????? #UmerShareef pic.twitter.com/ks4vS4rdL0

— Kapil Sharma (@KapilSharmaK9) October 2, 2021

بالی ووڈ مزاحیہ اداکار جونی لیور نے اپنے پیغام میں کہا کہ عمر شریف نے ڈراموں کو نیا درجہ دیا، عمر شریف نمبر ایک اداکار تھے، جونی لیور اپنا کام کرتاہے لیکن عمر شریف کا کام بالکل الگ تھا،ان کے جیسےلوگ ہزاروں سال میں پیدا ہوتےہیں۔

جونی لیور نے کہا 1990میں عمر شریف کوئی فلم لکھنےبھارت آئے تھے، ہم گھنٹوں بیٹھ کر باتیں کرتے تھے، عمر شریف بہت حاضر جواب تھے، ان کا کام ہی کچھ اور تھا، وباسے دو سال پہلے ہم امریکا میں شو کرنا چاہتےتھے، میری 4سے 5 ماہ پہلےبھی عمر شریف سےبات ہوئی تھی، ہم سیکھنےکی کوشش کرتے تھےکہ وہ بے ساختہ جملےکیسےکہہ جاتے ہیں، عمر شریف سے پوچھا تو بولے بس ہو جاتاہے۔

واضح رہے کہ لیجنڈ کامیڈین عمر شریف طویل علالت کے بعد جرمنی کے اسپتال میں انتقال کر گئے ہیں، اداکار عمر شریف 4 روز سے جرمنی کے اسپتال میں داخل تھے، انھیں کراچی سے واشنگٹن علاج کے لئی پہنچایا جا رہا تھا، لیکن ناساز طبیعت کے باعث انھیں جرمنی کےہسپتال میں ہی داخل کر دیا گیا تھا۔