ویب ڈیسک : ضلع بونیر کے علاقے ڈوما چغرزی میں بریک فیل ہونے کی وجہ سے گاڑی گہری کھائی میں جاگری ۔
پولیس حکام کے مطابق خیبرپختونخوا کے ضلع بونیر میں افسوسناک واقعہ پیش آیا، جہاں بریک فیل ہونے کے باعث گاڑی گہری کھائی میں گرگئی، حادثے میں 7 افراد جاں بحق ہوگئے ، جبکہ 6 افراد شدید زخمی ہوئے ۔ واقعے کی اطلاع ملتے ہی پولیس جائے وقوعہ پر پہنچی ۔
پولیس نے بتایا کہ حادثے میں جاں بحق افراد کی لاشوں اور زخمیوں کو ڈسٹرکٹ ہیڈ کوارٹر اسپتال منتقل کر دیا گیا ۔