(ویب ڈیسک)اسرائیل کی شمالی غزہ میں رہائشی عمارتوں پر حملوں میں 50 بچوں سمیت 84 فلسطینی شہید ہوگئے۔
عرب میڈیا کے مطابق نصیرات میں گھروں پربمباری کے بعد امداد کے لیے پہنچنے و الوں پردوبارہ حملہ کیا گیا،غزہ سٹی میں ایک صحافی بھی شہید، مارے گئے صحافیوں کی تعداد 183 ہو گئی۔
دوسری جانب فلسطینی کی مزاحمتی تنظیم حماس نے تصدیق کر دی ہے کہ اسرائیلی فوج کے حملوں میں سینئر حماس رہنما عزالدین کساب شہید ہوگئے ہیں۔
میڈیا رپورٹ کے مطابق اسرائیلی محاصرے اور حملے کے باعث شمالی غزہ کے علاقے میں امدادی سرگرمیوں کے لیے سول ڈیفنس، ریسکیو یا دوسرا کوئی امدادی ادارہ موجود نہیں ہے۔