فاران یامین: پنجاب یونیورسٹی میں ایک مرتبہ پھر تصادم، یونیورسٹی ایک مرتبہ پھر میدان جنگ بن گئی،دو گروپوں میں تصادم کے نتیجہ میں متعدد طلباء زخمی ہوگئے۔
تفصیلات کےمطابق رات گئے یونیورسٹی میں ڈنڈا بردار گھومتے رہے، طلبہ گروپوں میں تصادم کاواقعہ یونیورسٹی ہوسٹلز میں پیش آیا،تصادم سے قبل ڈنڈا بردار غنڈے ہوسٹلز کے کمروں کو چیک کرتے رہے، پنجاب یونیورسٹی کے ہاسٹلز میں خوف وہراس ،طلباء کمروں میں محصور ہوکررہ گئے، پولیس کی بھاری نفری یونیورسٹی میں موجود ہے، زخمی طلبا کو ہسپتال منتقل کیا جارہا ہے۔
پولیس ،انتظامیہ تصادم میں ملوث عناصر کےخلاف حکمت عملی طے کرنے میں ناکام نظر آرہی ہے۔