ویب ڈیسک: بھارت میں شوہر سے پیسے چھپانے والی خاتون کو دھچکا لگ گیا جس کی ویڈیو سوشل میڈیا پر وائرل ہوگئی۔
بھارت میں مذہبی تہوار دیوالی کے موقع پر لوگ گھر کی صفائی کرتے ہیں اور اس دوران انہیں کونوں میں چھپی وہ اشیاء بھی مل جاتی ہیں جو انہیں کبھی ڈھونڈنے پر بھی نہیں ملتیں۔
سوشل میڈیا پر ایک ویڈیو گردش کر رہی ہے جس میں دیکھا گیا کہ خاتون کو گھر کی صفائی کے دوران 500 اور 1000 روپے کے پرانے نوٹ ملے ہیں جو اب قابل استعمال نہیں ہیں، انسٹاگرام پر شیئر کی گئی ویڈیو میں خاتون کو صدمے میں دکھا جاسکتاہے، خاتون نے بتایا کہ انہوں نے آٹھ سال قبل شوہر سے چھپ کر یہ پیسے بچائے تھے۔ویڈیو میں دیکھا جاسکتا ہے کہ خاتون تھیلی سے نوٹوں کو نکال رہی ہے جو 500 اور 1000 روپے کے ہیں۔
خاتون کی ویڈیو سوشل میڈیا پر تیزی سے وائرل ہوگئی اور اسے اب تک لاکھوں کی تعداد میں صارفین دیکھ چکے ہیں جبکہ اس پر دلچسپ تبصرے بھی کر رہے ہیں۔
ایک صارف نے مزاحیہ انداز میں لکھا کہ یہی وجہ ہے کہ میں پیسے کے معاملے پر بیوی پر بھروسہ نہیں کرتا۔دوسرے صارف نے مایوسی کا اظہار کرتے ہوئے لکھا کہ کاش کہ اب نوٹوں کا تبادلہ ہوسکے جبکہ ناٰک صارف خاتون کو مشورہ دیا کہ یہ نوٹ آر بی آئی میں ایکسچینج ہوسکتے ہیں، ایک اور صارف نے لکھا کہ نوٹ بند ہوئے آٹھ سال ہوچکے ہیں۔
یاد رہے کہ بھارت میں حکومت نے 8 نومبر 2016 کو 500 اور 1000 روپے کے نوٹوں کو ختم کر دیا تھا اور ان منسوخ شدہ نوٹوں کے بدلے 500 اور 2000 روپے کے نئے نوٹ جاری کرنے کا اعلان بھی کیا تھا۔