(حسن خالد) والٹن روڈ پر بیوی کو طلاق دینے والے سابق شوہر کا صلح کیلئے دباؤ ، خاتون کے انکار پر ملزم نے تیز دھار آلے کے وار کرکے پانچ بیٹیوں کی ماں 45 سالہ زیب النسا کو قتل کردیا۔
ڈیفنس اے کے علاقہ والٹن روڈ پر ظفر اقبال نامی شخص اپنی سابقہ بیوی کے گھر آیا اور اس پر تیز دھار آلہ سے حملہ کردیا۔اس دوران 45 سالہ زیب النسا نامی خاتون شدید زخمی ہوگئی جسے ہسپتال منتقل کیا گیا مگر جانبر نہ ہوسکی۔
پولیس کے مطابق ملزم نے تین ماہ قبل اپنی بیوی کو طلاق دی تھی، علیحدگی کے بعد ملزم صلح کے لیے دباؤ ڈالا رہا تھا اور انکار کرنے پر اس نے سابقہ بیوی کو قتل کرڈالا۔ورثاء کا کہنا ہے کہ ملزم کافی دن سے قتل کی دھمکیاں دے رہا تھا جس کی اطلاع پولیس کو بھی دی تھی،پولیس اور فرانزک ٹیموں نے شواہد اکٹھے کرکے مقتولہ کی لاش مردہ خانہ منتقل کردی،پولیس نے مقدمہ درج کرلیا۔