(اکمل سومرو)پنجاب ایجوکیشن فاؤنڈیشن کا سکولوں کیساتھ از سر نو معاہدات کرنے کا فیصلہ، معاہدے کی نئی دستاویزات پر دستخط نہ کرنیوالے سکولوں کی رجسٹریشن بھی منسوخ کر دی جائے گی۔
پنجاب ایجوکیشن فاؤنڈیشن نے اپنے تمام پارٹنر پرائیویٹ سکولوں کیساتھ معاہدات کی تجدید کا فیصلہ کیا ہے اور اس ضمن میں معاہدے کی نئی دستاویزات مرتب کی گئی ہیں۔ پیف لاہور سمیت پنجاب کے ساڑھے سات ہزار سکولوں کیساتھ ازسرنو معاہدے کرے گی۔
پنجاب ایجوکیشن فاؤنڈیشن نے پارٹنر سکولوں کو معاہدات کی نئی دستاویزات ارسال کر دی ہیں۔نیو سکول پروگرام، فاؤنڈیشن اسسٹیڈ سکولز، ایجوکیشن واؤچر سکیم کے تحت رجسٹرڈ سکولوں کیساتھ نئے معاہدات ہوں گے۔
پیف نے نئے معاہدے کی دستاویزات پر سکول مالکان کو دستخط کرنے کے بعد جمع کرانے کی ہدایت کی ہے۔ معاہدات کی کاپیاں وصول ہونے کے بعد، پنجاب ایجوکیشن فاؤنڈیشن پارٹنر سکولوں کے سربراہان کیساتھ کنونشن کا انعقاد کرے گی۔