ویب ڈیسک: ڈاکٹر شیخ علی کردستانی کا دورہ ڈی ایچ اے سیکیورٹی خدشات کے پیش نظر منسوخ کر دیا گیا۔
عالم اسلام میں طب نبوی کے حوالے سے بین الاقوامی شہرت یافتہ معروف عراقی ڈاکٹر شیخ علی کردستانی نے آج ڈی ایچ اے لاہور کا دورہ کرنا تھا، تاہم سیکیورٹی خدشات کے پیش نظر اچانک دورہ منسوخ کردیا گیا ہے۔ ڈاکٹر شیخ علی کردستانی آئی ایم ایف فار پیس اینڈ ہارمنی کے بین الاقوامی امور کے صدر بیرسٹر عمائل گلزار بٹ کی دعوت پر ترکی سے لاہور پہنچے ہیں ، ڈاکٹر شیخ علی کردستانی نے پاکستانیوں کیلئے نیک خواہشات کا اظہار کیا ہے.
عالم اسلام میں طب نبوی کے حوالے سے معروف عراقی ڈاکٹر شیخ علی کردستانی ایک مہینے کے دورہ پر پاکستان پہنچے ہیں، علامہ اقبال انٹرنیشنل ایئرپورٹ پر صدر بین الاقوامی امور آئی ایم ایف فار پیس اینڈ ہارمنی عمائل گلزار نے دانیال بٹ اور شہریوں کی کثیر تعداد کے ہمراہ استقبال کیا۔پولیس اور دیگر سکیورٹی اداروں کی زیرنگرانی انہیں ان کی رہائشگاہ پہنچایا گیا۔