جنید ریاض: سکول ایجوکیشن ڈیپارٹمنٹ پنجاب نے پنجاب بھر کے نجی سکولوں کو بچوں کو 2017 کے مطابق نئے فیس واچرز جاری کرنے کیلئے تین روز کی توسیع دے دی، نجی سکولوں کو اب 3 نومبر تک ہر صورت نئے فیس واچرز جاری کرنا ہوں گے۔
تفصیلات کے مطابق سکول ایجوکیشن نے نئے فیس واچرز جاری کرنے کی تاریخ میں تین روز کی توسیع دے دی ہے، اس سے قبل سکولوں کو نئے فیس واچرز جاری کرنے کیلئے 31 اکتوبر کی ڈیڈ لائن دی گئی تھی۔
سکولز اب 3 نومبر تک ہر صورت بچوں کو فیس واچرز جاری کریں گے، سکول ایجوکیشن کا کہنا ہے کہ نئے فیس واچرز جاری نہ کرنے والے سکولوں کا لائنسنس معطل کردیا جائے گا۔
سکول ایجوکیشن کا مزید کہنا ہے کہ والدین فیسوں سے متعلق آن لائن درخواست جمع کرواسکیں گے۔