(مانیٹرنگ ڈیسک) بھارتی اداکارہ اروشی روتیلا نے اپنی 29 ویں سالگرہ پیرس میں منائی اور شاہانہ اخراجات کی نئی تاریخ رقم کردی۔
بھارتی میڈیا کے مطابق مقابلۂ حسن سے اداکاری تک کے سفر میں ہر سطح پر دھاک بٹھانے والی اروشی روتیلا نے اپنی پُرتعیش سال گرہ کی تقریب کو ہیرے سے جڑے 100 گلابوں سے سجایا اور 24 قیراط کے کپ کیک اور ڈائمنڈ کیک بھی رکھے۔
View this post on Instagram
اس تقریب کو ہیلیم کےغباروں، اصلی گلابوں اور شاندار موم بتیوں سے سجایا گیا تھا۔ اس شاندار تقریب میں 93 لاکھ روپے خرچ آیا۔ اداکارہ نے مداحوں کو اپنی خوشی میں شریک کرنے کے لیے تصاویر شیئر بھی کیں۔
View this post on Instagram
اروشی نے اپنی زندگی کے خاص دن کی مناسبت سے قیمتی لباس تیار کرایا تھا۔ نیلے رنگ کے مڈی ڈریس جس میں شیشے جڑے تھے۔ ہیرے کی انگوٹھی، چنکی بریسلٹ اور مہنگی بالیاں بھی قابل دید تھیں۔
View this post on Instagram
سوشل میڈیا صارفین اور ساتھی اداکار و اداکاراؤں نے سال گرہ کی مبارک باد دی اور نیک تمناؤں کا اظہار کیا۔