(ویب ڈیسک) پاکستان ڈرامہ انڈسٹری کے معروف اداکار فیروزخان نے اپنی دوسری شادی کی تصدیق کرتے ہوئے تصاویر شئیر کردیں۔
سماجی رابطوں کی ویب سائیٹ انسٹا گرام پر اپنی اداکار فیروز خان نے دوسری بیوی کی تصویر شیئرکرتے ہوئے لکھا ویلکم ٹو مائی لائف( welcome to my life )۔
سامنے آنے والی تصاویر میں اداکار فروزخان اور ان کی نئی شریک حیات کافی خوشگوار موڈ میںدیکھا جا سکتا ہے۔شادی کے دن فیروز خان نے سفید شلوار کیساتھ کام والے کریم کرتے کا انتخاب کیا جبکہ دوسری جانب ان کی دلہنیا نیٹ فیبرک سے تیار کردہ کورل پنک حسین پشواز میں ملبوس نظر آئیں۔
فیروز خان کی دوسری شادی کی تصاویر سے بخوبی اندازہ لگایا جا سکتا ہے کہ شادی انتہائی سادگی سے کی گئی ہے البتہ نئی دلہن کے بارے میں زیادہ اطلاعات سامنے نہیں آئیں ۔
اداکار کی جانب سے تصویر شیئر کیے جانے کے بعد ان کے مداح انہیں زندگی کے نئے سفر کیلئے خوب مبارکباد اور نیک خواہشات کا اظہار کررہے ہیں ۔
سامنے آنے والی تصویروں میں سے ایک تصویر فیروز خان کے گھر کی ہے جس میں نئی دلہن کا پر تپاک استقبال کیا جا رہا ہے ، تصویر میں دیکھا جا سکتا ہے کہ گھر کی خاتون دلہن کو گلے لگا کر ویلکم کر رہی ہیں اور گھر کے بچے ان پر پھول نچھاور کر رہے ہیں جبکہ فیروز خان ایک طرف کھڑے مسکرا رہے ہیں ۔
واضح رہے کہ چہ مگوئیاں کی جا رہی تھیں کہ فیروز خان نے دوسری شادی کر لی ہے ایسی خبروں کے دوران ہی ان کی اپنی دوسری بیوی دعا کے ہمراہ مایوں کی تصاویر سوشل میڈیا پر وائرل ہو گئی تھیں اور اب انہوں نے خود تصویر شیئر کرتے ہوئے ان تمام خبروں کی تصدیق کر دی ہے ۔
دوسری جانب ان کی اہلیہ کے عروسی جوڑے کی قیمت نے بھی سوشل میڈیا صارفین کی توجہ اپنی جانب مبذول کروا لی ۔ فیروز خان کی اہلیہ کا یہ حسین لباس ’افروزہ آفیشل‘ کا شاہکار ہے,جو ان کی ویب سائٹ پر بآسانی دیکھا جاسکتا ہے۔ ویب سائٹ کے مطابق اس آرٹیکل کی قیمت صرف اور صرف 18 ہزار 500 روپے بتائی جارہی ہے۔ یہ جوڑا بنا سلا 18ہزار 500 روپے میں دستیاب ہے جب کہ اگر کوئی اسے اپنی مرضی کے مطابق سلوانا چاہے تو اس جوڑے کی قیمت 30 ہزار 500 روپے وصول کی جاتی ہے۔