سٹی42: پنجاب پولیس کو قتل اور ڈکیتی میں مطلوب ملزم ایران فرار ہونے کی کوشش کے دوران بلوچستان کے ساحلی علاقہ جیونی سے گرفتار ہو گیا۔
پنجاب کے ضلع گجرات میں ڈکیتی کے دوران ایک شخص کو قتل کرنے والے ملزم سلیمان کو جیونی پولیس ٹیم نے گرفتار کیا۔ گرفتار ملزم سلیمان نے گجرات میں ڈکیتی کے دوران ایک شخص کو قتل کیا تھا اور واردات کے بعد فرار ہو گیا تھا۔
گجرات پولیس نے ملزم کی گوادر کے علاقے جیونی میں موجودگی کی اطلاع پر گوادر پولیس کو مدد کی درخواست کی تھی۔ جیونی پولیس نے فوری کارروائی کرتے ہوئے ملزم کو جیونی میں ناکہ بندی کر کے گرفتار کر لیا۔
ایس ایچ او جیونی طلال احمد گچکی نے بتایا کہ ملزم ایران جانے کی ارادے سے جیونی آیا ہوا تھا ۔ ملزم کا والد ایران میں ہی موجود ہے اور وہ وہاں حجام کی دوکان چلا رہا ہے۔
ضروری قانونی کارروائی کے بعد ملزم سلیمان کو پنجاب پولیس کے حوالے کر دیا گیا ۔