(ویب ڈیسک)قومی کرکٹ ٹیم کے فاسٹ باولر  شاہین آفریدی نے اعتراف کیا کہ ٹیم انڈیا بارباڈوس میں جنوبی افریقہ کے خلاف T20 ورلڈ کپ 2024 کی جیت کی مستحق ہے۔

تفصیلات کےمطابق شاہین آفریدی نےلندن میں صحافیوں سے بات کرتے ہوئے کہا کہ انڈین کرکٹ ٹیم نےبہترین کرکٹ کھیلی اور وہ جیت کی حقدار ہے،میں نے میچ دیکھا اور بہت لطف اٹھایا۔ دونوں ٹیموں نے اچھا کھیلا لیکن دباؤ کو ہینڈل کرنا اہم ہے۔

شاہین نے لیگ مرحلے میں باہر ہونےپر بات کرتے کہامضبوط ٹیمیں ایک عمل سے گزرتی ہیں اس لئے ہمیں کچھ چیزوں کو درست کرنے اور بہتر نتائج کے لیے سخت محنت کرنے کی ضرورت ہے۔

شاہین شاہ نےفائنل کے دوران عمدہ کھیل کا مظاہر کرنے والی دونوں ٹیموں کی تعریف بھی کی،کہا کہ بھارتی کپتان روہت شرما اور ان کی ٹیم نے 7 رنز سے جیت حاصل کی اور 17 سال بعد اپنا دوسرا T20 ٹائٹل اپنے نام کیا۔