(فاران یامین) سی ٹی او کا کہنا ہے کہ ٹریفک قوانین کی خلاف ورزیوں میں لین لائن، سٹاپ لائن سرفہرست ہیں۔
گزشتہ روز سیف سٹی کیمروں میں 86 ہزار 667 خلاف ورزیاں نوٹ کی گئیں جس میں 12ہزار سے زائد شہریوں نے جان بوجھ کر ٹریفک سگنلز کی خلاف ورزی کی۔
7ہزارگاڑیاں اوورسپیڈنگ ،2591 شہریوں نے ون وے کی خلاف ورزی کی، 6ہزار202 وہیکلز کا غلط جگہ سے یوٹرن لینے کی خلاف ورزی اور 59ہزار 314 شہریوں نے لین لائن، سٹاپ لائن ڈسپلن کی خلاف ورزی کی گئی ہیں جبکہ رواں سال سب سے زیادہ کارروائی بھی لین لائن ڈسپلن کی خلاف ورزی پر کی گئی ہے، رواں سال 7 لاکھ سے زائد شہریوں کو لین لائن ڈسپلن کی خلاف ورزی پر چالان ٹکٹس جاری کیے جا چکے ہیں۔
سی ٹی او عمارہ اطہر کا کہنا ہے کہ سڑکوں پر لین لائن اور روڈ مارکنگ کو بہتر بنانے کیلئے ماڈل روڈز پر لین لائن ڈسپلن پر مزید سختی کی جارہی ہے۔