مانیٹرنگ ڈیسک: کرسٹیانو رونالڈو سوشل میڈیا سائٹ انسٹاگرام پر سب سے بڑے کماؤ پوت بن گئے، ایک پوسٹ کا تقریباً 22 کروڑ روپیہ کمانے لگے۔
ایک رپورٹ کے مطابق سوشل میڈیا سائٹ انسٹا گرام پر کسی بھی پراڈکٹ سپانسرڈ پوسٹ کرنے کے کرسٹیانو رونالڈو تقریبا 1.6 ملین ڈالر چارچ کرتے ہیں۔ ڈبلیو ڈبلیو ای کے سابق سپر اسٹار اور ہالی وڈ کے معروف ہیرو وائن جانسن '' دی راک '' انسٹا گرام پر کمانے والوں میں دوسرے نمبر پر ہیں۔۔ ساتویں نمبر فٹ بالر لیونل میسی ہیں۔
یادرہے اس سے قبل انسٹا گرام پر سب سے زیادہ کمانے والے افراد میں ہالی وڈ اداکار، گلوکار اور رئیلٹی ٹی وی کے فنکار براجمان تھے جن سے فٹ بالزز نے یہ پوزیشن چھین لی ہے۔ نیمار جونئًر فٹ بالر اس فہرست میں 16 ویں پوزیشن پر ہیں، وہ ایک پوسٹ کاآٹھ لاکھ 24 ہزار ڈالر وصول کرتے ہیں۔
بھارتی کرکٹر ویرات کوہلی بھی انسٹا گرام پر پوسٹ کرنے کے چھ لاکھ اسی ہزار ڈالر وصول کرتے ہیں جبکہ ان کا نمبر کمائی کرنے والوں میں 19 ویں نمبر پر ہے۔