وقاص عظیم :قطر کے قریب سب میرین کیبل اے اے ای -1 میں خرابی کی اطلاع موصول ہوئی ہے۔
پی ٹی اے نے بتایا کہ سب میرین کیبل خراب ہو گئی جس کے باعث پاکستان بھر میں انٹرنیٹ اور براڈ بینڈ صارفین کو مسائل کا سامنا کرنا پڑ سکتا ہے،متعلقہ ٹیمیں خرابی دور کرنے کے لیے کوشاں ہیں۔ پی ٹی اے صورتحال کی نگرانی کر رہا ہے اور ٹیلی کام صارفین کو وقتاً فوقتاً آگاہ کرتا رہے گا۔کیبل پاکستان کوبین الاقوامی انٹرنیٹ ٹریفک سے جوڑنے والی 7 زیر سمندر کیبلز میں سے ایک ہے۔ سب میرین کیبل میں خرابی کے باعث ملک میں انٹرنیٹ کی فراہمی متاثر ہونے کا خدشہ ظاہر کیا جارہا ہے۔