روزینہ علی : محکمہ موسمیات نے کہیں ہلکی   بارش اور برفباری کی پیش گوئی  کی ہے تو کہیں  شدید دھند کی بھی پیش گوئی کی ہے ۔

آج رات موسم کی صورتحال  

 بالائی خیبرپختونخوا، شمالی بلوچستان، گلگت بلتستان، کشمیر اور ملحقہ پہاڑی علاقوں میں بارش اور پہا ڑوں پر برفباری کا امکان  ہے ۔ پنجاب، خیبر پختونخوا کے زیادہ ترمیدانی علا قوں اور بالائی سندھ میں درمیانی سے شدید دُھند چھائے رہنے کی توقع ہے آج ریکارڈکئے گئے کم سےکم درجہ حرارت کے مطابق اسکردو، گوپس منفی 09، لہہ منفی08،استور منفی 05، پاراچنار منفی 04، بونجی، گلگت، ہنزہ میں منفی 03 ڈگری سینٹی گریڈ رہا 
جعمہ کے روزموسم کی صورتحال: 

  اسلام آباد اور گردونواح میں موسم سرد اور مطلع جزوی ابرآلود رہنے کا امکان ہے جبکہ  صبح کے اوقات میں چند مقامات پر ہلکی دھند پڑ سکتی ہے۔   خیبرپختونخوا میں        چترال، دیر، سوات، کو ہستان ، با جوڑ ،خیبر، شانگلہ، بونیر،بٹگرام، مانسہرہ اور ایبٹ آباد میں بارش/ برفباری کا امکان ہے  صوابی، مردان، پشاور، نوشہرہ ، کوہاٹ، کرک،کرم اوروزیرستان میں ہلکی بارش ہو سکتی ہے۔صبح کے اوقات میں صوابی، مردان، پشاور، نوشہرہ، بنوں، ڈیرہ اسماعیل خان اور گردو نواح میں ہلکی سے درمیانی دھند پڑنے کی توقع ہے ۔

صوبہ پنجاب کے بیشتر اضلاع میں موسم سرد اور مطلع جزوی ابر آلود رہنے کی توقع ہے  مری، گلیات اور گردو نواح میں مطلع جزوی ابر آلود رہنے کے علاوہ بعض مقامات پر بوندا باندی /ہلکی برفباری ہو سکتی ہے۔ صبح /رات کے اوقات میں سیالکوٹ، نارووال ،گوجرانوالہ، منگلا، جہلم ، راولپنڈی، لاہور، شیخوپورہ، قصور ،ا وکاڑہ، ساہیوال،سرگودھا، ٹوبہ ٹیک سنگھ، حافظ آباد، فیصل آباد،جھنگ،بھکر، لیہ ، ملتان،بہاولپور، بہا ولنگر،خانیوال، خانپور، رحیم یار خان ،ڈی جی خان اور گردونواح میں شدید دھند چھائے رہنے کی توقع ہے ۔

صوبہ بلوچستان کے بیشتر اضلاع میں موسم سرد اور مطلع ابرآلود رہنےکا امکان ہے تاہم کو ئٹہ،چمن، پشین، زیارت، قلعہ عبدا للہ ، قلعہ سیف اللہ، ژوب،بارکھان،لورالائی،موسیٰ خیل ،قلات،پنجگور،تربت،دالبندین،لسبیلہ اورنوکنڈی میں چند مقامات پر بارش/ برفباری کی توقع  ہے ۔ صوبہ سندھ کے بیشتر اضلاع میں موسم سرد اورخشک رہنے کا امکان  ہے  صبح /رات کے اوقات میں سکھر ، شہید بینظیر آباد،شکارپور، کشمور، خیر پور، مو ہنجو دارو اور گردونواح میں درمیانی سے شدید دھند چھائے رہنے کی توقع ہے ۔ کشمیر اور  گلگت بلتستان میں موسم شدید سرد/مطلع ابر آلود رہنے کے علاوہ بارش / برفباری کا امکان بھی ہے