ویب ڈیسک: پاکستانی اداکارہ عائزہ خان اور دانش تیمور کےبیٹے ریان کی ٹرینڈنگ گانے ATP پر شاندار ڈانس مووز کی ویڈیو سوشل میڈیا پر وائرل ہوگئی۔
حال ہی میں عائزہ خان نے فوٹو اینڈ ویڈیو شیئرنگ ایپ انسٹاگرام پر پوسٹ شیئر کی جس میں انہیں دانش اور اپنے بچوں کے ہمراہ ڈانس کرتے اور موج مستی کرتے دیکھا جاسکتا ہے۔سال نو کی خوشی میں منظر عام پر آنے والی اس پوسٹ میں دانش تیمور، اور عائزہ خان "اے پی ٹی چیلنج" پر جھومتے نظر آئے جبکہ فیملی پر بازی لیتے ہوئے 7 سالہ ریان کے پوز اور ڈانس مووز نے تو جیسے صارفین کو دنگ ہی کردیا۔
دلکش پوسٹ شیئر کرتے ہوئے عائزہ خان نے کیپشن میں لکھا کہ،’بس ہم چار، اور ہزاروں یادیں میرے بچوں کے پسندیدہ گانے کے ساتھ بندھی ہوئی۔’
ریان کی بہترین پرفامنس پر مشتمل اس ویڈیو کو دیکھنے کے بعد کمنٹ سیکشن میں بھی تعریفوں کے انبار لگ گئے، ریان کی شاندار پرفارمنس نے نہ صرف مداحوں بلکہ کئی مشہور شخصیات کو بھی متاثر کیا۔
اداکارہ حرا سومرو نے لکھا کہ،’ریان نے شو چرا لیا اور حورین بہت کیوٹ لگ رہی ہے، ہاہاہا، ماں باپ بھی ٹھیک ہی پرفارم کر رہے ہیں ’۔منال خان نے بھی ریان کی تعریف میں لکھا کہ،’ریان آگ لگا رہا ہے’ جبکہ دیگر صارفین کی جانب سے بھی تبصرے جاری ہیں۔