علی ظفر اور آئمہ بیگ کا ’’وے ماہیا ‘‘ سپر ہٹ ہوگیا

سٹی 42 :گلوکار علی ظفر اور آئمہ بیگ کا ’’ وے ماہیا ‘‘ آتے ہی سپر ہٹ ہوگیا۔

پاکستانی گلوکار علی ظفر اور گلوکارہ آئمہ بیگ کا نیا رومانوی سانگ' وے ماہیا' ریلیز کردیا گیا ہےجسے مداحوں کی جانب سے بے حد پسند کیا جا رہا ہے۔ وے ماہیا کو 24گھنٹوں سے بھی پہلے یوٹیو ب پر  3لاکھ  کے قریب  دیکھا جا چکا ہے اور اسے مداحوں کی جانب سے خوب پسند کیا جا رہا ہے۔

  

  علی ظفر نے اپنے نئے گانے کو ٹوئٹر پر شیئر کرتے ہوئے بتایا کہ ' وے ماہیا تمام محبت کرنے والوں کے نام، اور ان کا یہ سال کا پہلا گانا ہے'۔

واضح رہے کہ علی ظفر اور گلوکارہ آئمہ بیگ کا یہ گانا پاکستان کے خوبصورت سیاحتی مقام نتھیا گلی میں شوٹ کیا گیا ہے جس کی ہدایت کاری عدنان قاضی نے کی ہے جبکہ گانے کے بول اور موسیقی حسن بادشاہ نے ترتیب دی ہے۔