(عرفان ملک) ڈیفنس ناکے پر کھڑے 2 پولیس اہلکاروں کو کچلنے والی گاڑی نواز شریف کے قریبی عزیز مصطفیٰ احمد کی نکلی، پولیس نے مصطفیٰ احمد کو 4 دوستوں سمیت گرفتار کرکے تفتیش شروع کر دی۔
تفصیلات کے مطابق نیو ایئر نائٹ پر لاہور کے علاقے ڈیفنس پولیس نے ناکہ لگا رکھا تھا کہ اچانک تیز رفتار کار بے قابو ہوکر ناکے پر کھڑے پولیس اہلکاروں پر چڑھ گئی۔ حادثے میں پولیس کانسٹیبل مستنصر شہید ہوگئے۔ پولیس نے گاڑی کو قبضہ میں لے کر تفتیش کی تو پتہ چلا کہ نواز شریف کے قریبی عزیز مصطفیٰ احمد کی ہے جس پر پولیس نے کارروائی کرتے ہوئے کانسٹیبل کی موت کے ذمہ دار نواز شریف کے قریبی عزیزمصطفٰی احمد کو 4 دوستوں سمیت گرفتار کرلیا۔ مصطفٰی احمد جوہر ٹاؤن میں دوستوں کے ساتھ نیو ائیرپارٹی منا کر واپس آ رہا تھا۔
پولیس نے کارروائی کی اور مدعا مصطفی کے ڈرائیور پر ڈال دیا ہے جبکہ پولیس کے مطابق حادثہ کے وقت گاڑی ڈرائیور چلا رہا تھا۔ گاڑی میں مصطفی کا دوست طلحہ بھی موجود تھا۔ مصطفٰی کےموبائل ڈیٹا کی مدد سے دیگر ملزموں کو حراست میں لے لیا گیا ہے۔ کیس کی تفتیش ابھی جاری ہے۔
دوسری جانب وزیر اعلیٰ پنجاب شہباز شریف نے واقعہ کا نوٹس لیتے ہوئے سی سی پی اوکیپٹن (ر) امین وینس سے رپورٹ طلب کرتے ہوئے کہا کہ زخمی پولیس اہلکار کو بہترین طبی سہولتیں فراہم کی جائیں۔
مزید جاننے کیلئے ویڈیو دیکھیں