ویب ڈیسک: سکھ فارجسٹس نے بھارت سے علیحدگی کے مطالبے کو مزید تقویت دیتے ہوئے 23 مارچ 2025ء سے امریکا میں ریفرنڈم شروع کرنے کا اعلان کردیا۔
سکھ رہنما گرپتونت سنگھ پنوں کاکہناہے کہ بھارتی حکومت خالصتان تحریک کے رہنماؤں کے قتل کی منصوبہ بندی کر رہی ہے اور مودی حکومت کا مقصد امریکا اور کینیڈا میں سکھ رہنماؤں کو ہلاک کرنا ہے۔
گرپتونت سنگھ پنوں نے کینیڈا میں ہردیپ سنگھ نجار کے قتل کا حوالہ دیتے ہوئے کہا کہ انہیں بھی امریکی سرزمین پر قتل کرنے کی دھمکیاں دی جارہی ہیں.
گرپتونت سنگھ پنوں نے امریکی حکومت سے درخواست کی کہ وہ بھارتی حکام سے فوری طور پر رابطہ کرکے ان کی جان کی حفاظت کو یقینی بنائے۔