(ویب ڈیسک) کوہاٹ ٹنل کے قریب ٹریفک حادثے میں 17 افراد جاں بحق ہو گئے،جاں بحق افراد میں تین بچے اور دو خواتین بھی شامل ہے۔

تفصیلات کے مطابق مسافر کوچ پشاور سے بنوں جارہی تھی، کوہاٹ ٹنل کے قریب ٹرالر اور مسافر فلائنگ کوچ کے مابین ٹکر ہو گئی،حادثے میں دونوں گاڑیاں تباہ ہوگئی ہیں ،واقعے کی اطلاع پر پولیس جائے حادثہ پر پہنچ گئی ،جاں بحق افراد کی لاشوں کو ہسپتال منتقل کر دیا گیا ہے، پولیس کے مطابق مرنے کا تعلق ضلع بنوں بتایا جارہا ہے،ہلاکتوں میں اضافے کا خدشہ ظاہر کیا جارہا ہے۔