ویب ڈیسک:بیٹی سے تعلقات کے شبے میں لڑکے کے گھر پر چار سے زائد افراد نے حملہ کرکے لڑکے کی والدہ کو برہنہ کرکے تشدد کا نشانہ بنایا، ویڈيو بناکر عام کردی، تشدد کرنے والوں میں خاتون بھی شامل تھی۔
فیصل آباد کے علاقے کھرڑیانوالہ میں پیش آئے واقعے پر خاتون سمیت پانچ افراد کے خلاف مقدمہ درج کرلی اگیا ہے جبکہ تین افراد کو گرفتار کر لیا گیا ہے۔پولیس ترجمان کے مطابق گزشتہ روز تھانہ کھرڑیانوالہ کے علاقے میں پانچ افراد نے اپنی ایک عزیزہ کے گھر میں داخل ہو کر اسے تشدد کانشانہ بنایا اور اس دوران اس کے کپڑے پھاڑ کر اسے برہنہ کر دیا۔
ملزمان اس دوران شرمناک واقعے کی ویڈیو بھی بناتے رہے جو کہ بعدازاں وائرل کردی گئی۔ ویڈیو سامنے آنے پر سی پی او خالد ہمدانی کے حکم پر واقعے کا مقدمہ درج کر لیا گیا اور ملزمان کی گرفتاری کیلئے چھاپے مارے گئے۔
اس دوران واقعہ میں ملوث تین ملزمان ساجد ،عثمان اور فہد کو گرفتار کر لیا گیا جبکہ ایک خاتون سمیت دو مزید ملزمان کی تلاش جاری ہے۔