(سپورٹس ڈیسک) بھارتی کرکٹ ٹیم کے کپتان ویرات کوہلی نے ایک اور اعزاز اپنے نام کرلیا وہ ون ڈے کرکٹ میں تیز ترین 12 ہزار رنز بنانے والے کھلاڑی بن گئے۔

  

 تفصیلات کے مطابق بھارتی کپتان ویرات کوہلی نےیہ ریکارڈ کینبرا میں آسٹریلیا کے خلاف تیسرے ون ڈے میچ میں اپنی شاندار اننگز کے دوران توڑا۔ بھارتی کپتان ویرات کوہلی نے  آسٹریلیا کے خلاف تیسرے ون ڈے میچ میں 23 رنز زائدبنا کر اپنے ہم وطن سچن ٹنڈولکر کا ریکارڈ توڑا۔ اس اننگز میں کوہلی نے 78 گیندوں پر 5 چوکوں کی مدد سے 63 رنز بنائے۔ 

1️⃣2️⃣,0️⃣0️⃣0️⃣ ODI runs for Virat Kohli ????

He has become the fastest batsman to reach the milestone, in just 242 innings ???? #AUSvIND pic.twitter.com/H0XlHjkdNK

— ICC (@ICC) December 2, 2020

اس میچ سے قبل ویرات کوہلی کے 11 ہزار 977 رنز  تھے اور ٹاس جیت کر پہلے بیٹنگ کا فیصلہ کرنے کے بعد جیسے ہی ویرات کریز پر  پہنچنے تو انہوں نے 12 ہزار رنز کا ریکارڈ اپنے نام کیا۔

  خیال رہے کہ ویرات کوہلی نے یہ ریکارڈ اپنی 242 ویں اننگز میں بنایا ہے جب کہ سچن ٹنڈولکر نے  یہ ریکارڈ اپنی 300 ویں اننگز میں قائم کیا تھا۔