نواز شریف لاہور سے کوئٹہ روانہ، جلسہ عام سے خطاب کریں گے

(سٹی 42): سابق وزیراعظم میاں محمد نواز شریف عوامی مہم کے سلسلے میں جلسہ عام سے خطاب کرنے کوئٹہ روانہ ہو گئے۔

تفصیلات کے مطابق پشتون خوا ملی عوامی پارٹی آج کوئٹہ کے ایوب سٹیڈیم میں اپنی سیاسی طاقت کا مظاہرہ کرے گی، جلسے سے خطاب کرنے کیلئے سابق وزیراعظم نواز شریف لاہور سے کوئٹہ روانہ ہو گئے ہیں۔ نواز شریف سخت سیکیورٹی میں جاتی امراء سے علامہ اقبال انٹرنیشنل ائیرپورٹ پہنچے جہاں سے وہ نجی پرواز کے ذریعے کوئٹہ روانہ ہوگئے۔ سینیٹر پرویز رشید اور ڈاکٹر آصف کرمانی بھی ان کے ہمراہ تھے۔