فاطمہ خان: سبزواری روڈ ای ٹو گارڈن کا واٹر فلٹریشن پلانٹ بھی معمولی خرابیوں کے سبب بند پڑا ہے۔ علاقہ میں صاف پانی کی قلت ہے۔ پلانٹ بند ہونے کے باعث اس کی مشینری زنگ آلود ہو گئی۔
علاقہ کےمکین بتاتے ہیں کہ یہ واٹر فلٹریشن پلانٹ فنی خرابی کے باعث 6 ماہ سے بند ہے۔
پلانٹ کی صفائی کا کوئی نظام نہیں۔ اس کے اطراف میں غلاظت اور ملبے کے ڈھیر جمع ہو گئے ہیں۔
علاقہ کے مکین پینے کے پانی کی ضرورت پوری کرنے کے لئے صاف پانی خریدنے پر مجبورہیں ، انہوں نے بتایا کہ پلانٹ کی خرابی دور کروانے کے لئےمتعدد بار شکایت کی مگر کو ئی شنوائی نہیں ہوئی۔علاقہ کےمکین چاہتے ہیں کہ اس پلانٹ کو جلد مرمت کروا کر انہیں صاف پانی کی فراہمی بحال کی جائے۔
