سٹی 42:گڑھی شاہو چوک میں بوگی وال کے رہائشی تین روز سے بجلی کی بندش کیخلاف احتجاج سراپا احتجاج،مظاہرین نے سڑک کو بلاک کر کے احتجاجی مظاہرہ کیا، سڑک بلاک ہونے کے باعث ٹریفک کی روانی شدید متاثررہی ،گاڑیوں کی لمبی قطاریں لگی رہیں ۔

گڑھی شاہو چوک میں بوگی وال کے رہائشی تین روز سے بجلی کی بندش کے خلاف احتجاج سراپا احتجاج تھے،مظاہرین نے لیسکو انتظامیہ کے خلاف شدید نعرے بازی کی ۔ بوگی روڈ کے رہائشیوں کا کہنا تھا کہ لیسکو انتظامیہ کو متعدد بار شکایات درج کروائی ہیں، مگر کوئی فون نہیں اُٹھا رہا۔ گرمی سے بُرا حال ہے، مظاہرین نے لیسکو انتظامیہ سے جلد از جلد بجلی بحال کرنے کا مطالبہ کیا۔