(ویب ڈیسک)ملک کے لیجنڈ گلوکار مرحوم مہدی حسن کے بیٹے آصف مہدی طویل علالت کے باعث انتقال کر گئے۔
تفصیلات کے مطابق مہدی حسن کے دوسرے بیٹے حیدر مہدی نے بتایا کہ ان کے بھائی آصف مہدی کراچی میں انتقال کرگئے ہیں، حیدر مہدی کا کہناتھا کہ بھائی آصف مہدی ہسپتال میں زیر علاج تھے ،انھوں نے بتایا کہ آصف مہدی کا انتقال پھیپھڑوں میں انفیکشن کی وجہ سے ہوا ہے۔
مرحوم آصف مہدی کے بیٹے کا کہناتھا کہ والد طویل عرصہ سے شوگر کے مرض میں مبتلا تھے، پھپڑوں کے انفیکشن کے باعث نو دن سے آغا خان ہسپتال میں زیرِ علاج تھے،بیٹے نے یہ بھی بتایا کہ گزشتہ روز طعبیت خراب ہونے پر انہیں وینٹی لیٹر پر منتقل کیا گیا تھا۔
واضح رہے کہ شہنشاہ غزل مہدی حسن 13 جون 2012 کو کراچی میں انتقال کرگئے تھے۔