(شاہد ندیم سپرا) ذو الحج کا چاند نظر آگیا، عیدالاضحیٰٗ 12 اگست بروز پیر کو ہوگی، چاند دیکھنے کے لیے زونل رویت ہلال کمیٹی کا اجلاس ایوان اوقاف میں ہوا۔
ذوالحج کا چاند دیکھنے کے لیے زونل رویت ہلال کمیٹی کا اجلاس ڈائریکٹر جنرل مذہبی اُمور پنجاب ڈاکٹر طاہر رضا بخاری کی زیر صدارت ہوا، کمیٹی شہر سمیت پنجاب بھر سے چاند نظر آنے کی شہادتیں موصول کی، شہادتیں موصول ہونے کی صورت میں زونل کمیٹی مرکزی کمیٹی کوآگاہ کیا گیا۔
اجلاس میں خطیب بادشاہی مسجد مولانا عبدالخبیر آزاد، خطیب داتا دربار مفتی رمضان سیالوی، ڈاکٹر عبدالغفور راشد اور مولانا محمد حسین اکبر سمیت محکمہ موسمیات کےنمائندے شریک ہوئے۔