ویب ڈیسک : سچل کے علاقے ابوا لحسن اصفہانی روڈ پرجنرل اسٹورمیں ڈکیتی کی کوشش ناکام بنادی گئی ۔
پولیس کے مطابق کراچی میں تین ڈکیت جنرل اسٹور میں ڈکیتی کی نیت سے پہنچے،جن میں سے ایک ڈکیت جنرل اسٹور میں داخل ہوا، جبکہ دو ڈکیت باہر کھڑے رہے ، دوران ڈکیتی جنرل اسٹور پر موجود شہریوں نے شور شرابا مچادیا، جس کی وجہ سے ڈکیت واردات کیئے بغیر جنرل اسٹورسے فائرنگ کرتا ہوا بھاگا، ڈکیتوں کی جانب سے فائرنگ بھی کی گئی ، ڈکیتوں کی فائرنگ سے باہر کھڑا ان کا اپنا ساتھی ٹانگ پر گولی لگنے سے زخمی ہو گیا۔
اطلاع ملتے ہی پولیس نے موقع پر پہنچ کرزخمی ڈکیت کو گرفتار کرلیا ۔
پولیس کا کہنا ہے کہ زخمی حالت میں گرفتار ڈکیت کی شناخت سید احترام اللہ کے نام سے کی گئی ۔
پولیس نے ڈکیتی کی ناکام کوشش کی سی سی ٹی وی فوٹیج بھی حاصل کرلی۔ سی سی ٹی وی فوٹیج میں ڈکیتوں کو فائرنگ کرتے ہوئے بھی دیکھا جا سکتا ہے۔ گرفتارڈکیت کے ساتھیوں کی گرفتاری کی کوشش کی جا رہی ہے۔