سٹی42: ایران نے اسرائیل کو نشانہ بنانے والے کئی بیلسٹک میزائل فائر کر دیئے ہیں۔
اسرائیل کی فوج نے ایک بیان میں کہا کہ، "تھوڑی دیر پہلے، ایران کی طرف سے اسرائیل کی طرف میزائل داغے گئے تھے۔" اس بیان میں کہا گیا کہ یروشلم سمیت پورے اسرائیل میں سائرن بجائے جا چکے ہیں۔
اسرائیل کی نیوز ویب سائٹ وائی نیٹ نے بتایا ہے کہ ایران سے آج شب اسرائیل کی طرف فائر کئے گئے میزائلوں کی تعداد سینکڑوں میں ہے۔ تاہم کسی دوسرے میڈیا سورس اسے اب تک میزائلوں کی تعداد کے متعلق کوئی تخمینہ سامنے نہیں آیا۔
اس سے پہلے اسرائیل کی فوج کے ترجمان ڈینئل ہگاری نے بھی امکان ظاہر کیا تھا کہ ایران کی جانب سے میزائل حملہ بہت وسیع پیمانہ پر ہو سکتا ہے۔
اب میڈیا کی دوسری آؤٹ لیٹس نے بھی بتانا شروع کیا ہے کہ ایران نے اسرائیل پر سینکڑوں بیلسٹک میزائل داغے ہیں۔
اسی دوران حزب اللہ نے اسرائیل کے وسیع علاقوں پر راکٹ داغے ہیں۔
یہ ایک ڈیویلپ ہو رہی خبر ہے، مزید تفصیلات آتے ہی اس خبر میں شامل کر دی جائیں گیْ