ویب ڈیسک: کویت کی ایئرلائن جزیرہ ایئرویز نے دنیا بھر میں 60 سے زائد مقامات پر کرایوں میں 30 فیصد رعایت دینے کا اعلان کردیا۔

عرب میڈیا کی رپورٹ کے مطابق جزیرہ ایرلائن کی جانب سے اس اقدام کا مقصد خاندان اور دوستوں سے ملنے کے خواہشمند صارفین کو سستی سفری سہولیات فراہم کرنا ہے،پروموشن کے اعلان کے موقع پر ایئرلائن سستی سفری سہولیات کو بڑھانے کے اپنے عزم کا اعادہ کیا۔

  ایئرلائن کی جانب سے بتایا گیا ہے کہ یہ پروموشن یکم اکتوبر سے 30 نومبر تک کے سفر کے لیے ہوگی جس کی بکنگ مہینے کے آخر تک کی جائے گی۔

واضح رہے کہ جزیرہ ایئرویز کی جانب سے مسافروں کے لیے مختلف سہولیات کی متعارف کروائی جاتی رہتی ہیں۔

جزیرہ ائیر ویز اس وقت مشرق وسطیٰ، افریقہ، وسطی اور جنوبی ایشیا کے ساتھ ساتھ یورپ میں 63 سے زیادہ مقامات پر اپنے آپریشنز جاری رکھے ہوئے ہے۔