ویب ڈیسک: بالی ووڈ کی کئی فلموں میں اداکاری کے جوہر دکھانے والی ماڈل گرل اروشی تنازعات کے باعث ہمیشہ سے خبروں میں رہتی ہیں،بھارتی ماڈل اور اداکارہ اروشی روٹیلا نے اپنے پسندیدہ پاکستانی کرکٹر کا نام بتا دیا۔
تفصیلات کےمطابق بھارتی اداکارہ اروشی روٹیلاکبھی سیٹ پر زخمی ہوجاتی ہیں تو کبھی ان کی نازیبا ویڈیو لیک ہوجاتی ہے، وہ اداکاری کریں یا نہ کریں میڈیا کی ہیڈلائنز میں ان کا نام نظر ضرور آتا ہے۔
متحدہ عرب امارات میں بالی ووڈ کے فلمی ایوارڈ آئیفا کی ایک تقریب کے دوران اروشی نے اپنے پسندیدہ پاکستانی کرکٹر کا نام بتایا،تقریب کے دوران بظاہر ایک پاکستانی جرنلسٹ نے اروشی سے پوچھا کہ پاکستانی ٹیم میں آپ کا کونسا فیورٹ کھلاڑی ہے؟ اروشی نے جواب دیتے ہوئے کہا کہ پاکستان ایک اچھی ٹیم ہے ، نسیم شاہ بہت اچھا کرکٹر ہے۔
واضح رہے اروشی ماضی میں بھی نسیم شاہ کی وجہ سے سوشل میڈیا پر ٹرینڈ میں رہ چکی ہیں۔
2023 میں اروشی نے ایشیا کپ میں پاک بھارت میچ کے آغاز سے قبل پاکستانی فاسٹ بولر نسیم شاہ کے ہمراہ پاکستانی اسکواڈ کی تصویر شیئر کی تھی،اس کے علاوہ اروشی نے نسیم شاہ کو سالگرہ اور اعزازی ڈی ایس پی بننے پر مبار کباد بھی دی تھی۔