ڈیفنس لاکھوں کی ڈکیتی واردارت ، ملزمان گرفتار،رقم برآمد

عابد چوہدری : ایس پی کینٹ اویس شفیق  نے  ڈیفنس میں پریس کانفرنس کرتے ہوئے بتایا کہ لاکھوں کی ڈکیتی کرنے والے  ملزمان کو 24 گھنٹوں میں گرفتار کرکے رقم برآمد کرلی گئی  ہے ۔
اویس شفیق  ایس پی کینٹ کا کہنا تھا کہ اے ایس پی ڈیفنس شہر بانو نقوی نے پولیس ٹیم کے ہمراہ کارروائی کی ، 24گھنٹے کے اندر ڈکیت لوٹی گئی رقم سمیت ملزمان کوگرفتار کرلیاگیا،ملزمان ڈیفنس اے سے شہری شاہد عباس سے 55 لاکھ لوٹ کر فرار ہو گئے تھے،ملزمان میں شہباز اور مشتاق شامل ہیں ۔ملزمان سے 48 لاکھ نقد، 2 موٹر سائیکلز، 2پستول اور گولیاں برآمد ہوئیں ۔ملزمان کو سی سی ٹی وی کیمروں اور جدید ٹیکنالوجی کی مدد سے گرفتار کیا گیا۔ملزمان کے خلاف مقدمہ درج کرلیا گیا ہے اور مزید تفتیش جاری ہے ۔ڈی آئی جی آپریشنز لاہور کی جانب سےایس پی کینٹ کوملزمان گرفتارکرنے کیلئے سپیشل ٹاسک دیاگیاتھا۔ایس پی کینٹ کی ہدایت پر ملزمان کو گرفتار کرنے کیلئے سپیشل ٹیم تشکیل دی گئی تھی۔