ویب ڈیسک:پاکستان مسلم لیگ (ن) کے صدر محمد نواز شریف کی پوتے کی تلاوت کرتے ویڈیو سوشل میڈیا پر مقبول ہوگئی، سوشل میڈیا صارفین کی جانب سے خوب تعریف کی جارہی ہے اور شریف فیملی کے لئے نیک خواہشات کا اظہار کیا جارہا ہے۔
تفصیلات کے مطابق سوشل منظرعام پر آنے والی ویڈیو میں دیکھا جاسکتا ہے کہ نواز شریف کے پوتے زید حسین نواز شریف اپنے دوستوں کے ہمراہ بیٹھے تلاوت قرآن پاک سنا رہے ہیں، وائرل ہونے والی ویڈیو بھی اُن کے دوست نے ہی بنائی۔
ویڈیو سوشل میڈیا کے مختلف پلیٹ فارمز پر گردش کررہی ہے.
صارفین کی جانب سے کمنٹس سیکشن میں زید حسین نواز شریف کی خوب صورت آواز کی تعریف کی جارہی ہے،انسٹاگرام پر کمنٹ کرتے ایک صارف نے لکھاکہ ’تمام سیاسی معاملات ایک طرف! ماشااللہ بھائی!
ایک اور صارف نے کمنٹ کیا کہ ’ اللہ ان کو اور ان کے خاندان والوں کو عمل کرنے کی بھی توفیق دے!