ارشاد قریشی: اڈیالہ جیل راولپنڈی میں بانی پاکستان تحریک انصاف (پی ٹی آئی) سمیت دیگر قیدیوں سے ملاقات کے لیے آنے والوں کی مانیٹرنگ کے لیے نیا وائی فائی انٹیگریٹڈ سسٹم نصب کردیا گیا۔
انٹیگریٹڈ سسٹم کے ساتھ بائیو میٹرک ویریفیکیشن ڈیوائس بھی نصب کر دی گئی،نئے سسٹم کی تنصیب کے بعد قومی شناختی کارڈ کے بغیر جیل میں داخلہ بند کر دیا گیا۔
نیا سسٹم تین مرکزی دروازوں سمیت جیل ڈیوڑھی میں بھی نصب کیا گیا،نئے سسٹم میں بار کوڈ سکیننگ،وائی فائی ڈیوائسز اور جدید ٹیب شامل ہیں،نیا نظام نادرہ اور ہوم ڈیپارٹمنٹ کے سسٹم سے منسلک ہے۔
نئے سسٹم سے جیل آنے والوں کے قومی شناختی کارڈ کی سکیننگ پر تمام تفصیلات ظاہر ہو جائیں گی،نئے نظام کے تحت آئی ڈی کارڈ سکیننگ مکمل نہ ہونے پر کسی کو جیل داخلہ کی اجازت نہیں دی جائے گی،بانی پی ٹی آئی کے ملاقاتیوں کو بھی سیکورٹی سے گزارا جائے گا۔