ویب ڈیسک: بالی ووڈ  فلم سٹار شاہ رخ خان کے بیٹے آریان خان  کی جیل سے رہائی کے بعد'' منت ''  میں اور اس میں رہنے والوں میں کئی تبدیلیاں آگئیں۔

 آریان خان میں آنے والی تبدیلیاں واضح ہیں حتی کہ ان کی سوشل میڈیا پروفائل پر بھی تبدیلی آ گئی ہے۔ سوشل میڈیا پلیٹ فارم انسٹاگرام پر 19 لاکھ سے زائد فالوورز رکھنے والے آریان خان کی پروفائل پر ان کی شیئر کردہ سابقہ تصاویر تو موجود ہیں البتہ انہوں نے اپنی ڈسپلے پکچر کو ڈیلیٹ کر دیا ہے۔

آریان خان کی جانب سے تصدیق شدہ اکاؤنٹ کی ڈسپلے پکچر ہٹانے کی کوئی وجہ نہیں بتائی گئی ہے تاہم  افواہ یہ ہے  کہ یہ جیل سے رہائی کے بعد محدود سرگرمیوں والی پالیسی کا حصہ ہے۔
23 سالہ آریان خان نارکوٹکس کنٹرول بیورو (این سی بی) کی جانب سے تین اکتوبر کو سات دیگر افراد کے ساتھ گرفتار  کیا گیاتھا۔ ان سب پر الزام تھا کہ ممبئی میں ایک کروز جہاز پر  ہونے والی ڈرگ پارٹی  میں شریک تھے۔