اسرار خان: شہر کے مختلف علاقوں سے 4 افراد کی لاشیں ملی ہیں۔ 

ایدھی فاؤنڈیشن کے ترجمان نے بتایا ہے کہ باٹاپور، بھسین گاؤں کے قریب نہر سے 50 سالہ شخص کی لاش ملی،  مقتول کے جسم پر تشدد کے نشانات ہیں، سر دست اس لاش کی  شناخت نہیں ہو سکی۔
اقبال ٹاؤن، مون مارکیٹ کے قریب 40 سالہ شخص مردہ حالت میں ملا۔ متوفی نشے کا عادی تھا، ہلاکت بظاہر نشے کی زیادتی کے باعث ہوئی۔ بھاٹی گیٹ، پرندہ مارکیٹ کے قریب 55 سالہ شخص مردہ حالت میں ملا۔  متوفی نشے کا عادی اور بظاہر بھکاری معلوم ہوتا ہے۔

جناح ہسپتال انڈر پاس کے قریب خاتون کی بوسیدہ لاش ملی ہے۔  لاش چند روز پرانی ہے، سر دست  اس لاش کی بھی شناخت نہیں ہو سکی۔ تمام میتوں کو پولیس کارروائی کے بعد مردہ خانے منتقل کر دیا گیا ہے۔