(زین مدنی)لالی وڈ انڈسٹری کے چھنو بوائے علی ظفر نے پی ایس ایل کا گانا میلہ لوٹ لیا ٗکی ویڈیو ریلیز کردی، بھائی حاضر ہے ٹائٹل کے گانے کو ریلیز ہوتے ہی سوشل میڈیا پر مقبولیت مل گئی۔
مداحوں اور شائقین کی پرزور فرمائش پر گلوکار اداکار علی ظفر نے پاکستان سپر لیگ کے لئے خود گانا تیار کیا جسے بھائی حاضر ہے کا ٹائٹل دیا گیا اور اسے میلہ لوٹ لیا کے نام سے ریلیز کیا گیا ہے ۔علی ظفر نے خود اس گانے کو لکھا اور کمپوز کیا جبکہ اس کی ویڈیو میں بھی انہوں نے زیادہ تر سین اپنے مداحوں کی جانب سے بنائے گئے ویڈیوز کے لگائے ہیں ۔گانے میں خود علی ظفر این سی اے کے طلباءو طالبات کے ساتھ جھومتے نظرآتے ہیں ۔ویڈیو میں سونو ڈینجرس نے کوریوگرافی کی ہے اور گانے کی ویڈیو ریلیز ہوتے ہی سوشل میڈیا پر تیزی سے مقبول ہوگئی۔