ویب ڈیسک : کوٹ مٹھن میں کار اور موٹر سائیکل میں خوفناک تصادم میں 3 افراد جاں بحق ہوگئے۔
کوٹ مٹھن میں افسوسناک ٹریفک حادثہ پیش آیا، جہاں تیز رفتار کار بے قابو ہوکر سامنے سے آنے والے موٹرسائیکل سواروں سے ٹکرائی گئی، حادثے کی نتیجے میں موٹرسائیکل سوار خاتون سمیت محمد یونس نامی نوجوان موقع پر جاں بحق ہوگیا، جبکہ چھوٹا بچہ شدید زخمی ہوگیا، کار سوار سراج نامی شخص بھی موقع پر جاں بحق ہوگیا۔
ریسکیو ٹیموں نے موقع پر پہنچ کر زخمی بچے اور جاں بحق ہونے والوں کی ڈیڈ باڈیز ہسپتال منتقل کردیں۔
ریسکیو حکام کا کہنا ہے کہ موٹرسائیکل سواروں کا تعلق کوٹ مٹھن شہر سے ہے جبکہ کار سوار جاں بحق سراج نامی شخص کا تعلق چاچڑاں شریف سے بتایا گیا ہے۔