سٹی42: پنجاب بھرکی جامعات میں مستقل وائس چانسلرزکی تعیناتی کامعاملہ، 25جامعات میں وائس چانسلرزکی تعیناتی کیلئےدرخواستیں طلب۔
تفصیلات کے مطابق عمر کی حد 65 سال مقرر کیے جانے پر بیشتر سابق امیدوار وی سی کی دوڑ سے باہر ہوگئے ہیں۔25جامعات میں سے ہوم اکنامکس، ایل سی اور ویمن یونیورسٹی ملتان  یہ 3 خواتین کی یونیورسٹیاں شامل ہیں۔  خواہشمند امیدوار 24 جون تک اپنی درخواستیں جمع کرا سکتے ہیں۔ امیدوار کی عمر کی حد 65 سال مقرر،وائس چانسلر کی مدت ملازمت 4 سال تک ہوگی۔

اس سے قبل بھی جامعات میں وائس چانسلرز کیلئے امیدواروں کے انٹرویوز کیےگئے تھے۔مختلف یونیورسٹیوں کیلئے امیدوار شارٹ لسٹ بھی کر لیے گئے تھے۔

پی یو، یو ای ٹی، جی سی یو کیلئے درخواستیں طلب کی، یونیورسٹی آف ایجوکیشن، انفارمیشن ٹیکنالوجی یونیورسٹی ، اوکاڑہ یونیورسٹی،جی سی یوفیصل آباد، بی زیڈ یو، اسلامیہ یونیورسٹی بہاولپور اور متعلقہ یونیورسٹیاں ڈیڑھ سے اڑھائی سال سے مستقل وائس چانسلر سے محروم ہیں۔

گجرات یونیورسٹی،یونیورسٹی آف نارووال، یو ای ٹی ٹیکسلا سمیت دیگر کیلئے درخواستیں طلب کی جارہی ہیں۔