(ویب ڈیسک) پاکستانی اداکار و ماڈل فیروز خان کی دوسری شادی کی تقریبات کا آغاز ، مایوں کی ویڈیو نے سوشل میڈیا پر تہلکہ مچا دیا۔
فوٹو اینڈ ویڈیو شیئرنگ ایپ انسٹاگرام پر اداکار فیروز خان کی اپنی دوسری اہلیہ دعا کے ساتھ ایک مختصرسی ویڈیو وائرل ہو رہی ہے جس میں فیروز کو سیاہ لباس پہنے جبکہ ان کی دلہن دعا کو سنہری لباس زیب تن کئے دیکھا جا سکتا ہے ویڈیو میں فیروز خان کو اپنی اہلیہ دعا کے ہاتھوں پر مہندی لگا تے بھی دیکھا جا سکتا ہے۔
سوشل میڈیا صارف کی جانب سے ویڈیو شیئر کرتے ہوئے کہنا تھا کہ فیروز خان کی دوسری شادی کی تقریبات کا آغاز ہوگیا ہے، فیروز اور دعا کو بہت مبارک ہو۔
واضح رہے کہ اداکار فیروز خان نے علیزہ سلطان سے 2018ء میں شادی کی تھی جس کے بعد اس جوڑی کے ہاں 2019ء میں پہلے بیٹے سلطان اور فروری 2022ء میں بیٹی فاطمہ کی پیدائش ہوئی تھی۔ اس جوڑی نے دو بچوں کی پیدائش کے بعد راہیں جدا کرلی تھیں۔ سابق جوڑے کی اپنے دو بچوں کی تحویل کے حوالے سے ہونے والی عدالتی لڑائی بھی بڑے پیمانے پر زیر بحث رہی تاہم جوڑے کے درمیان ہونے والے عدالتی معاہدے کے مطابق ان کا بیٹا سلطان فیروز کے ساتھ رہے گا جبکہ ان کی بیٹی علیزے کے ساتھ رہے گی۔