ویب ڈیسک: آرٹیفشل انٹیلیجنس نے تخلیقی ذہن رکھنے والے لوگوں کے لیے ایک نئی دنیا متعارف کروادی ہے اور ایسا لگتا ہے کہ آرٹیفیشل انٹیلیجنس پر مبنی ایپس نے ایک فنکار کی تخیلقی صلاحیتوں کو پر لگا دیے ہیں۔
اب انسان جس چیز کے بارے میں سوچتا ہے اسے ایک لمحے میں حقیقت میں بھی تبدیل کرسکتا ہے، لہٰذا، اس بات سے انکار نہیں کیا جاسکتا کہ اس جدید ٹیکنالوجی نے انٹرنیٹ پر طوفان برپا کردیا ہے۔
حال ہی میں ایک فوٹوگرافر نے آرٹیفیشل انٹیلیجنس کے ذریعے ایلون مسک کی کچھ تصاویر بنائی ہیں جن میں اُنہیں بھارت کے روایتی انداز میں دولہا بنے دیکھا جاسکتا ہے۔
View this post on Instagram
ایلون مسک کی یہ تصاویر انٹرنیٹ پر وائرل ہوگئی ہیں اور صارفین کی جانب سے بہت پسند کی جارہی ہیں۔ بہت سےصارفین کا کہناہے کہ یہ تصاویر بالکل اصلی لگ رہی ہیں اور انہیں دیکھ کر یقین نہیں آرہا کہ یہ اے آئی ٹیکنالوجی کی مدد سے بنائی گئی ہیں۔