سٹی42: مناواں میں شادی کی تقریب میں نہ معلوم افراد کی فائرنگ ، 16 سالہ لڑکی گولی لگنے سے جاں بحق ہوگئے۔
پولیس کے مطابق مناواں میں شادی کی تقریب میں فائرنگ کے باعث سولہ سالہ لڑکی گولی لگنے سے جاں بحق ہو گئی۔ سولہ سالہ عائشہ نور سینے میں گولی لگنے سے جاں بحق ہوئی۔
ابتدائی تحقیقات کے دوران سامنے آیا کہ ملزمان دولہا کو قتل کرنے آئے تھے اور مہندی کی تقریب میں فائرنگ کر دی،فائرنگ کی زد میں آکر ایک خاتون زخمی بھی ہوئی ۔
پولیس کے مطابق فائرنگ کرنے والے ملزمان اور دولہا موقع سے فرار ہوگئے۔
پولیس نے واقعہ کا مقدمہ نامعلوم افراد کے خلاف درج کرکے دولہے کے والد کو گرفتار کر لیا ہے۔ پولیس کی جانب سے بتایا گیا کہ ملزمان کی تلاش جاری ہے۔
مناواں میں شادی کی تقریب میں 16سالہ لڑکی کی ہلاکت کے معاملہ پر ڈی آئی جی آپریشنز محمد فیصل کامران نے نوٹس لیتے ہوئے ایس پی کینٹ سے واقعہ کی رپورٹ طلب کرلی ہے۔
پولیس کے مطابق FIRدرج کرلی گئی ہے اور ملزمان کی گرفتاری کے لیے چھاپے مارے جا رہے ہیں۔
۔۔۔۔