سٹی42: لاہور کے علاقہ ڈیفنس میں تیز رفتار کیری ڈبہ نے موٹر سائیکل کو ٹکر دے ماری جس کے نتیجے میں موٹرسائیکل جوان موقع پر ہی جان کی بازی ہار گیا۔
ڈیفنس سی کے علاقے میں ہونے والے ٹریفک حادثے میں ایک افراد جاں بحق جبکہ دوسرا زخمی ہو گیا جس کو طبی امداد کیلئے ہسپتال منتقل کردیا گیا ہے۔
پولیس کے مطابق فیز 6 کے جے بلاک میں تیز رفتار کیری ڈبہ نے موٹرسائیکل کو ٹکر ماری ، حادثے میں موٹرسائیکل سوار 22 سالہ یونس موقع پر دم توڑ گیا جبکہ حادثے میں دوسرا موٹرسائیکل سوار جہانگیر زخمی ہو گیا جس کو جنرل ہسپتال منتقل کر دیا گیا ۔
پولیس کی جانب سے کیری ڈبہ ڈرائیور کو حراست میں لے کر تھانے منتقل کردیا ہے، جاں بحق ہونیوالے نوجوان کی لاش مردہ خانے منتقل کر دی گئی ۔